|
Mirësevini në Rinorollin band !
|
 Nga
fillimi i vitit 2010 përfundimisht vendosa që këngët e komponuara gjatë viteve
të kaluara të kurorëzohen me një Rock-album, ku pjesa më e madhe e këtyre
komponimeve ishin të përfunduara nga vetë unë. Në arkivin e këngëve të
pregatitura për albumin ishin afër 20 këngë dhe tekstet e tyre ishin plotësisht
të përfunduara apo gjysëm të mbaruara, që do të thotë se ishte koha e duhur për
të marrë fletët e shkruajtura nga unë dhe të filloja me rishikimin e tyre. Hapi
i parë që duhej bërë ishte gjetja e një lokacioni të përshtatshëm ku mund të
punoja pa u penguar nga askush dhe për këtë zgjodha
Music-Studion „Matrix“ në Mönchaltorf të Zürich-ut, që njëkohësisht është pronë e
këngëtarit të mirënjohur nga Struga Alim Dauti, poashtu anëtar i trungut të
familjes Dauti, pra jemi kushërinj të afërt.
Fillova të punojë me një intensitet të madh dhe gjithë kohën që kisha në
dispozicion e shfrytëzoja duke eksperimentuar me këngët që kisha zgjedhur për
këtë Rock-Album, ku mbështetja morale nuk mungojë nga e gjithë shoqëria që ishin
të informuar për punën time. Gjatë çdo mbrëmje kur shkruaja këngët e
papërfunduara dhe kur bëja kompletimin e aranzhmaneve të tyre nuk kishte mundësi
që dikush mos të vizitonte Matrix-Studion, sepse aty më vizitonin edhe shumë
mysafirë dhe kolegë ku nga ata më të rregullt ishin Alimi dhe Jeton Lleshi e
pastaj Sokol Dauti, Rufiu etj etj që ishin me të vërtetë kurreshtarë në punën
time.
Nga të gjitha këngët e arkivit tim personal dhe punës përfundimtare zgjodha 7
këngët më të preferuara nga unë, që me të vërtetë kanë një potencial dhe
kapacitet të madh muzikor dhe posaqërisht disa nga këta këngë do të sjellin një
risi të madhe në skenën muzikore të rock-ut shqipëtar. Derisa në albumin e
fundit me „Scrambled X“ kisha edhe dy këngët e inçëzuara në gjuhën shqipe,
përsëri vendosa që edhe ky album, si album i katërt me radhë në karrierën time
muzikore, të kurorëzohet poashtu me një këngë në gjuhën e bukur angleze, e ajo
këngë quhet
„Between Patience and Hate“(në mes durimit dhe urrejtjes). Sa për këngët e tjera nuk
ka nevojë të përmend emra apo si titullohen ato, sepse akoma nuk është koha e
duhur dhe natyrisht që ky album do të ketë edhe promovime të ndryshme në
Radio-stacionet e shumta televizive në Shqipëri, Kosove e Maqedoni, së paku
kështu e mendojë unë mbarëvajtjen e gjithë këtij projekti muzikor dmth. çdo gjë
në kohën e duhur. |
|
|
|
Info rreth albumit
|
Procesi i kompletimit të teksteve, aranzhmaneve dhe komponimeve eksperimentale
në studion “Matrix” përfundojë dhe nga fundi i muajit prill 2010 u nisa për në
vendlindje me të vetmin qëllim:finalizimin e albumit dhe materializimin e tij,
ku puna që më priste në studio nuk më shqetësonte aspak, sepse kjo vepër
muzikore mban në vete të vetmin mesazh dhe ai është:realizimi i një ëndrre
fëmijërore që shpirtin tim nuk e ka lënë të qetë vite me radhë.
Me arritjen time në Strugë menjëherë filluam punët në studio dhe që nga hapi i
parë nisëm me sqarimin e rishikimin e gjithë materialit të pregatitur nga unë.
Pastaj hapi tjetër dhe shumë i rëndësishëm i këtij procesi ishte edhe mënyra e
të inçëzuarit dhe e teknologjisë në studio, ku produksioni digjital modern
dallon shumë nga produksioni analog dhe ky ndryshim i mënyrës së inçëzimit ishte
poashtu edhe një përvojë e re për mua. Vetëbesimi dhe vullneti pozitiv për të
krijuar vlera të mirëfillta muzikore kanë qenë shtyllat kryesore që kanë
përcjellë procese të shumta në jetën time në skenën muzikore dhe natyrisht edhe
kësaj radhe ato cilësi nuk do të mungonin, si nga ana ime poashtu edhe nga i
gjithë stafi në studio. Në Music-Studion e Ibrahim Islamoskit-Bale në
Labunisht të Strugës filluan punët me intensitetin e paraparë dhe padyshim që ky
moment kohor ishte edhe ballafaqimi direkt me realitetin e shumëpritur nga të
gjithë, ku producentin e mirënjohur Bale e priste një punë me të vërtetë e
madhe, por njëkohësisht edhe si përvojë e re për të, sepse për herë të parë
punohej në inçëzimin e një Rock-albumi që mbante në vete gërshetimin e shumë
rrymave të Rockut.
Koha është armiku më i madh i çdo projekti e ajo nuk premton shumë, por puna dhe
vullneti i pathyeshëm detyron atë të tregojë rezultatet e veta, dhe mendimi im
personal gjatë gjithë punës sime në studio ishte me të vërtetë një kënaqësi e
paimagjinueshme kur punon me muzicientë të atij kalibri që jetojnë dhe veprojnë
vetëm për muzikë, e kjo më bën tepër krenar. Gjithashtu me këtë projekt gjigant
që në hapat e para të punimeve pregatitore dhe produksionit të albumit u kyç
edhe kitaristi i mirënjohur i Rock grupit nga Struga
„Shekulli i Dreqit“ Menderes Lumani-Meli, ku si autor dhe komponues i shumë këngëve
në skenën e Rock muzikës shqipëtare është padyshim shtylla e tretë dhe e veçantë
e projektit. Harmonia dhe fryma pozitive gjatë punimeve në studio solli një
mrekulli të papërsëritur në këtë album. Përfundimisht këngët morën shpirtin dhe
formën e duhur që parashiheshin në projekt, ku edhe pas largimit tim nga
vendlindja mbeti edhe shumë punë për tu bërë, si nga ana e
Menderes Lumanit-Meli jo vetëm si kitarist i këtij albumi, por edhe si bashkëpunëtor
i ngushtë në krijimin e tij. Pastaj duhet përmendur puna e gjithë produksionit
që duhej kryer në studio nga ana e Bales si producent dhe programues i tij, dmth
në këtë album duhej investuar edhe mjaft kohë, derisa gjërat të merrnin formën e
duhur. Përfundimit të këtij albumi po i numërohen ditët dhe natyrisht që ky
album publikut shqipëtar do t’i prezentohet me një cilësi të lartë dhe
profesionale. Gjithashtu është me rëndësi për tu përmendur edhe inçëzimi i
video-klipit të parë të Rinorollin si pjesë e pandarë e projektit muzikor dhe ky
video-klip u realizua nga producenti dhe kameramani i mirënjohur Zati. Puna dhe
strategjia e gjithë projektit të lartëpërmendur patjetër që do të shpërblehen
një ditë dhe për këtë jam mirënjohës për të gjithë ata që ndihmuan në realizimin
e këtij albumi. Poashtu desha të falenderojë të gjithë ata që ndihmuan në
realizimin e video-klipit si:
Menderes Lumanin-Meli(kitarist, pastaj Genin(kitarist) që edhe në punët
pregatitore kudo ishim bashkë, Artan Zhutën(drums) anëtar i Rock grupit „Koha,
pastaj Besfort Ibraimin-Coli(bass) dhe natyrisht Artan Kamberin-Tano në piano
(keyboards). Gjithashtu desha të falenderojë
Lindim Etemin-Kingun, Durim Etemin, Lindijan Ajro, firmën www.Tavolina.tk
për ndihmën dhe punën e tyre të palodhshme që ofruan dhe menjëherë u radhitën në
listën e vullnetarëve që do të ndihmojnë realizimin e këtij video-klipi
madhështor. Veçantia e momenteve të paharrueshme para dhe gjatë inçëzimit të
video-klipit ishte se koordinimi i punëve ishte në nivelin e duhur dhe
Rinorollin nuk do të kishte kryer video-klipin në kohën e paraparë, pa ndihmën
tuaj modeste dhe kontributin tuaj të gjithanshëm....Faleminderit Djema...
Si përfundim dhe falenderim ndaj gjithë stafit pjesëmarrës në realizimin e këtij
projekti, ku në veçanti do të theksojë vetëm një citat nga teksti i këngës së
Rini Dautit-Rinorollin ku me krenari të plotë thuhet : vetëm „Forca bën
Bashkim“, e pikërisht kjo është shpirti dhe shpresa për të ardhmen e
Rinorollin. Pa hezituar aspak dhe me bindje të thellë mund të them se një ditë,
që të gjithë do të mburremi me punën dhe angazhimin tonë në arritje të qëllimit
të këtij albumi dhe natyrisht që shpërblimi më i madh ndaj Rinorollin është
vetëm duartrokitja e këngëve të këtij Rock-grupi që po lind dhe vlerësimi sa më
transparent i albumit të tij që do t’i prezentohet gjithë publikut shqipëtar
anembanë botës...
|
|
 Video klipi "Toka e Premtimeve"
|
|
|
|
|
|
Zonë e lirë-promovimi i video klipit "Toka e Premtimeve"
|
|
|
|
|
|
|
Albums
|
|
|
|
Turnet
|
|
|
|
|
|
Banerat
|
|
|
|